Esther 8:9 — Compare Translations

Nyankole 1964

Batyo omu bunaku obwo, aha kiro kya makumi abiri na bishatu omu kwezi kwa kashatu okurikwetwa Sivani, abahandiiki b'omugabe baayetwa, baahandiika ebi Morodekai aragiire aha by'Abayudaaya byona, baabitwekyera abategyeki b'omugabe, n'abandi bategyeki, n'abanyiginya b'omu mashaza goona, oku gari igana na makumi abiri na mushanju, okuruga Buhindi okuhika Esiopia, buri ishaza ryona nk'emihandiikire yaaryo oku yaabaire eri, na buri ihanga omu rurimi rwaryo; baabihandiikira n'Abayudaaya omu mihandiikire yaabo n'omu rurimi rwabo.

nyankole

Ago magingo batuma kweta ahonaaho abahandiiki b'omugabe. Omu kwezi kwa kashatu, nikwo kwa Sivaani, aha kiro kya abiri na bishatu, baahandiika ekiragiro ekiri nk'oku ebi Morodekai yaaragiire aha Bayudaaya byabaire biri, baakyoherereza ab'amashaza n'abategyeki bakuru, n'abainginya b'ebyanga, okwiha Buhindi okuhitsya Etiopiya; ebyanga igana na makumi abiri na mushanju, buri kyanga omu mihandiikire yaakyo, na buri ihanga omu rurimi rwaryo; kandi baakihandiikira n'Abayudaaya omu mihandiikire yaabo n'omu rurimi rwabo.