Ezekiel 9:2 — Compare Translations
2 translations compared side by side
Nyankole 1964
Kandi reeba, haija abashaija mukaaga, baareetwa omu muhanda gw'eirembo rya ruguru, eririkureeba aha bukiizi-bwa-bumosho, buri omwe aine eky'okurwanisa ekirikwita omu ngaro ze; kandi ahakaba hariho ondiijo mushija, ojwaire ebijwaro bya kitaani, ari hamwe nabo, aine eihembe rya bwino aha izinio. Baataaha, baayemerera aha rubaju rw'eitambiro ry'omuringa.
nyankole
Ntyo ndeeba abashaija mukaaga baareetwa omu muhanda gw'eirembo rya ruguru ery'aha bukiizi-bwa-bumosho, buri omwe akwaitse ekikwato kye ky'okwitsa, kandi baine omushaija ojwaire ebya kitaani, ayekindikire akashaho k'abahandiiki aha rubaju rwe. Batyo bataahamu, beemerera aha rubaju rw'eitambiro ry'omuringa.