Haggai 1:9 — Compare Translations
2 translations compared side by side
Nyankole 1964
Mukagira amatsiko g'okutunga bingi, mbwenu reeba, bibaire bikye; kandi ku mubireetsire omuka, naabihuuha, byatuntumuka. Nimugira ngu ekyo kireetsirwe ki? nikwo MUKAMA ow'amahe arikubuuza. Kireetsirwe enju yangye kuguma eri omushaka, haza buri muntu omuriimwe akahugira aha kwombeka eye.
nyankole
Mwesheruriire bingi, kwonka mwatunga bikye. Kandi ku mubireetsire omuka, naabihuuha, byatuntumuka. Mukama ow'amahe naabuuza ati: Mbwenu ekyo nkikoreire ki? N'ahabwa Nyaruju yangye kuba ebisheenyuka, haza buri omwe omuriimwe ahugiire aha kwombeka enju ye ahabwe.