Isaiah 50:2 — Compare Translations
2 translations compared side by side
Nyankole 1964
Ahabw'enki, obu naija, ntarashangireyo muntu, Ku naayetsire, hataragizire owaanyetaba? Nimugira ngu omukono gwangye gubaire mugufu, Tigurikubaasa kucungura? Tiinyine maani g'okujuna? Reeba, ahabw'okukabuka kwangye, nyomya enyanja, Mpindura emigyera eihamba ry'omusheenyi; Eby'enyanja binuuka ahabw'okubura amaizi, Kandi bifa ahabw'eiriho.
nyankole
Ahabw'enki obu naija kubajuna ntarashangireyo muntu? Nkyeeta hakabura owaayetaba! Nimugira ngu omukono gwangye ni mugufu, tigurikubaasa kubacungura? Nainga tiinyine maani g'okujuna? Reeba, ku nkabuka, nyomya enyanja, mpindura emigyera eihamba ry'omusheenyi; ebyenyanja byamwo ahabw'okuburwa amaizi biitwa eiriho, binuuka.