Job 42:8 — Compare Translations
2 translations compared side by side
Nyankole 1964
N'ahabw'ekyo hati mutware enimi mushanju n'empaya z'entaama mushanju, muze ow'omwiru wangye Yobu, mwetambirireyo ekitambo ky'okwotsya; bwanyima omwiru wangye Yobu naija kubashabira; ahabw'okuba niwe ndikwija kwikiriza, nkareka kubatwaza nk'obushema bwanyu oku buri; ahakuba timungambireho bihikire nk'omwiru wangye Yobu oku agizire.
nyankole
Mbwenu nu, nimutware enimi mushanju n'empaya z'entaama mushanju, muze ow'omwiru wangye Yobu, mwetambirireyo ebitambo bicwekize, haza omwiru wangye Yobu abashabire. Nibwo ndaikirize okushaba kwe, nkareka kubatwaza nk'obushema bwanyu oku buri. Manya timungambireho bihikire, nk'oku omwiru wangye Yobu agizire.