Leviticus 13:6 — Compare Translations
2 translations compared side by side
Nyankole 1964
aha kiro kya mushanju ekindi omunyamurwa agarukye amushwijume; ku arishanga eibara ry'endwara ritakireebeka munonga, ritabugire mubiri, obwo amurangye ku atasiisikaire; biri n'ekiseera; ogwo muntu ayozye ebijwaro bye, abe otasiisikaire.
nyankole
Reero aha kiro kya mushanju agarukye amushwijume. Ku araashangye egyo ndwara neegyenda neehwerera, kandi etatantamukire, amurangye ku ari oshemeire. Biri n'ekiseera kusha. Ogwo muntu ayozye ebijwaro bye, abe oshemeire.