1 Chronicles 24:6 — Compare Translations
3 translations compared side by side
Quechuan (Tayta Diospa Wilakuynin) 2003
Itamarpita miraq cürakunapaqqa suertita jitarqan juk kutilami. Eleazarpita miraq cürakunapaqmi itsanqa suertita jitarqan ishkay kuti. Suertita jitananpaqmi levita Natanaelpa tsurin secretariu Semaías lapan cüra aylukunapa jutinkunata qelqarqan reypa nawpancho, mandäshiqninkunapa nawpancho, cüra Sadocpa nawpancho, Abiatarpa tsurin cüra Ahimelecpa nawpancho, cürakunapa mandaqninkunapa nawpancho y levita mayinkunapa mandaqninkunapa nawpancho.
Quechuan 2010
Levïpita miraj Natanaelpa wamran Semaías jutiyojnami papilman isquirbiran llapanpa jutincunata raypa ñaupancho, mandajcunapa ñaupancho, Sadoc cürapa, Abiatar cürapa wamran Ahimelec cürapa, cüracunapa mandaj caj famillyancunapa, Leví famillyacunapa ñaupancho. Turnun cananpäga surtipami ruraran. Chaura ishcay turnu caran Eleazarpita miraj cajpaj. Juc turnu caran Itamarpita miraj cajpaj.
Quechuan QXO (Biblia en Quechua del sur de Conchucos)
Itamarpita miraq sacerdötikunapäqa suertiyarqan juk kutillam. Peru Eleazarpita miraq sacerdötikunapämi sïqa ishkay kuti suertiyarqan. Suertiyananpämi levita runa Natanaelpa tsurin secretariu Semaías llapan sacerdöti castakunapa jutinkunata qellqarqan reypa puntanchö, mandayiqninkunapa puntanchö, sacerdöti Sadocpa puntanchö, Abiatarpa tsurin sacerdöti Ahimelecpa puntanchö, sacerdötikunapa mandaqninkunapa puntanchö y levita mayinkunapa mandaqninkunapa puntanchö.