1 Kings 1:25 — Compare Translations
3 translations compared side by side
Quechuan (Tayta Diospa Wilakuynin) 2003
Rey kayta munarmi kanan junaq pishtatsishqa atska uyshata, cabrata, wäkata y wera turitukunata. Tsaymanmi qayatsishqa tsurikikunata, soldädukunapa capitanninkunata y Abiatar cüratapis. Lapan qayatsishqankunami mikur upur kayno nirkaykan: «¡Kananpitaqa Adoníasmi rey kaykan! ¡Viva!»
Quechuan 2010
Cananga pishtachisha törucunata, besëracunata, aypalla uyshata. Gayachisha wamrayquicunata, mandaj suldärucunata, Abiatar cürata. Llapan gayachishancunami micur upur ‹¡Adoniasmi ray!› nircaycan.
Quechuan QXO (Biblia en Quechua del sur de Conchucos)
Rey kayta munarmi kanan junaq pishtatsishqa atska üshata, cabrata, wäkata y wera torïtukunata. Tsaymanmi tsurikikunata, soldädukunapa capitanninkunata y Abiatar sacerdötitapis qayatsishqa. Llapan qayatsinqankunam mikur upur nikäyan: «¡Viva rey Adonías! ¡Kananpitaqa paynam rey kanqa!»