1 Kings 15:27 — Compare Translations
3 translations compared side by side
Quechuan (Tayta Diospa Wilakuynin) 2003
Juk kutimi lapan Israel soldädunkunata shuntarkur Nadab aywarqan Filistea nacioncho kaykaq Gibetón marka runakunata atacananpaq. Tsayno atacar markata jiruruypa tsapaykaptinmi Ahíaspa tsurin Baasa contran sharkur Nadabta wanutsirqan. Baasaqa karqan Isacar trïbu runami.
Quechuan 2010
Isacar famillyapita mirar aywaj Ahiaspa wamran Baasa fiyupa chiquicurcuran. Chaymi wañuchinanpaj unaypita yarpaparan. Nircur wañuycachiran Filistea nasyun Gibetoncho. Chay siudätami Nadabga Israel suldäruncunawan magaj yaycuycaran.
Quechuan QXO (Biblia en Quechua del sur de Conchucos)
Juk kutim llapan Israel soldädunkunata qoriskir Nadab aywarqan Filistea nacionchö kaykaq Gibetón marka runakunata atacayänanpä. Tsaynö atacar markata jiruruypa tsaparaykäyaptinmi Ahíaspa tsurin Baasa contran shärir Nadabta wanuskatsirqan. Baasaqa Isacar trïbu runam karqan.