1 Peter 2:4 — Compare Translations

Quechua (Huaylla Wanca)

Jesusmi Diospa wasinpa sumä chalänin cawsä lumica, nunacunäpa licaytapis mana munaśhanca; Diospäñatacmi ichá sumä ćhaniyu aclacuśhancälä canpis. Payman aśhuycul'a amcunapis cawsä lumicunanümi cayalcanqui; amcunawanmari sumä chuya wasinta ishpiycachin. Jinaman chuya sasirdüticunaman muyuycälinqui Jesusninchicpa Tayta Dios allinpa ćhasquiycuśhancäta uycälinayquipämi.

Quechuan (Tayta Diospa Wilakuynin) 2003

Jesucristuta manakaqman churapäkuptinpis cimientucho alinnin rumino kananpaqmi Tayta Dios churashqa. Tsayno kaykaptinqa Jesucristuman yärakäriy.

Quechuan - 1972

Paihuajma mayanllayamusha, shu causaj rumima cuenta, paita cierto pacha runauna ichushca aca, astaun Dios ajllashcami, ashca valijmi.

Quechuan 2010

Tayta Jesucristuman guellicushun ari. Payga cawaj rumimi. Paytami runacunaga manacajman churaran. Tayta Diosmi ichanga payta cuyar acrasha.

Quechuan QVS 1992 (San Martín)

Tata Dioska rumikunawan wasichakuk runashinami. Jesukristuka suk ashwan alli atun wasi kallarinan rumishinami. Ñukanchikuna paypa sawanpi churadu apichidu rumikunashinami kanchisapa. Chayrayku akuychi payta ladunchaypachi Tata Diospa wasinpi churadu rumikunashina kananchikunapa. Aypa runakuna mana munansapachu kreyikuyta Jesukristu chay ashwan alli rumishina kananta. Chashna mana munaptinkunapish Tata Dios sukaman Jesukristuta kuyashpa akllarkan sukaman alli kallarinan rumishina kananpa.

Quechuan QXO (Biblia en Quechua del sur de Conchucos)

Jesucristuta runakuna mana alli rikayaptinpis cimientuchö maestra ruminö kananpämi Tayta Dios churashqa. Tsaynö kaykaptinqa Jesucristuman yärakuyay.