2 Kings 23:24 — Compare Translations
3 translations compared side by side
Quechuan (Tayta Diospa Wilakuynin) 2003
Rey Josíasqa brüjukunatapis y suerti jorquqkunatapis lapantami qarqurqan. Tsaynölami runakunapa wayincho kaptinpis y maycho kaptinpis ïdulukunata ushakätsirqan. Tsaykunata Judá nacioncho y Jerusaléncho ushakätsirqan cüra Hilcías tarishqan librucho qelqaraykaq leykuna nishqannölami.
Quechuan 2010
Josiasga illgächiran llapan brüjucunata, musyacojcunata, runacunapa wasi ïduluncunata, waquin ïdulucunatapis. Judächo, Jerusalencho imatapis manacajcunata rispitar adurar charashantaga illgächiran. Chaycunata ruraran TAYTA DIOSPA Templuncho Hilcías tarishan librucho imano rurananpäpis niycashannömi.
Quechuan QXO (Biblia en Quechua del sur de Conchucos)
Brüjukunatapis y suerti qatiqkunatapis llapantam rey Josías qarqurqan. Tsaynöllam runakunapa wayinkunachö y maychö kaptinpis ïdulukunata ushakätsirqan. Tsaykunata sacerdöti Hilcías tarinqan libruchö qellqashqa kaykaq leykuna ninqannöllam Judá nacionchö y Jerusalénchö ushakätsirqan.