Daniel 5:23 — Compare Translations

Quechuan (Tayta Diospa Wilakuynin) 2003

Tsaymi jana patsacho kaykaq Tayta Diosta rabyanätsir templuncho manijashqan väsukunata jorqatsimushqanki. Tsaykunawanmi vïnuta upyashqanki kikikipis, mandäshishuqnikikunapis, warmikikunapis y concubïnaykikunapis. Nirkurmi alabashqanki qoripita, qellaypita, broncipita, fiërrupita, qerupita y rumipita rurashqa dioskunata. Tsay dioskunaqa manami rikantsu ni mayantsu ni imatapis musyantsu. Munayniyuq Tayta Diostami itsanqa mana alabashqankitsu. Payta rabyanätsishqanki paypita lapanta chaskiykarpis. Paymi rey kanaykipaqpis churashushqanki.

Quechuan 2010

Chaymi Tayta Diosta Templuncho garanan cöpacunata apaycachimur bïnuta upyashcanqui mandäshishojcunawan, warmiquicunawan, chïnayquicunawan. Chaynöpis goripita, guellaypita, runsipita, fyërrupita, guerupita rurasha caycaj mana ricaj, mana wiyaj, mana yarpachacoj dioscunatami alabashcanqui. Janaj pachacho caycaj Tayta Diostami ichanga mana alabashcanquichu paypa maquincho bïdayqui caycaptinpis, llapan rurashayquicunata pay ricaycaptinpis.

Quechuan QXO (Biblia en Quechua del sur de Conchucos)

Tsaymi ciëluchö kaykaq Tayta Diosta rabyanätsir templunchö manijanqan väsukunata jipitsimurqayki. Tsaykunawanmi vïnuta upyayarquyki kikikipis, mandar yanapashuqnikikunapis, warmikikunapis y concubïnaykikunapis. Tsaypitam alabayarquyki qoripita, qellaypita, broncipita, fiërrupita, qerupita y rumipita rurashqa dioskunata. Tsay dioskunaqa manam rikayantsu ni wiyayantsu ni imatapis musyayantsu. Poderyuq Tayta Diostam sïqa alabarquykitsu. Paypitarä llapanta chaskishqa kaykarmi pasaypa rabyatsirquyki. Paymi rey kanaykipäpis churashurquyki.