Deuteronomy 14:21 — Compare Translations
3 translations compared side by side
Quechuan (Tayta Diospa Wilakuynin) 2003
«Qamkunaqa Tayta Dios kuyashqan santu runakunami karkaykanki. Tsaymi ima uywatapis kikilan wanushqataqa ama mikupäkunkitsu. Tsaypa trukanqa markaykikunacho taq jäpa runakunata qoykunki o rantikuykunki. «Cabra malwapa aytsantapis mamanpa lëchinwanqa ama yanupäkunkitsu.
Quechuan 2010
«Gamcunaga TAYTA DIOS acracushan runacunami canqui. Chaymi ima animaltapis quiquillan wañushataga ama micunquichu. Chaypa ruquenga siudäniquicunacho tiyaj jäpa runacunatami goycunqui micucunanpaj. Caminanti jäpa runacunatapis micunanpaj ranticuycunquimanmi. «Cabra-mallwapa aychanta ama yanunquichu mamanpa lëchinwanga.
Quechuan QXO (Biblia en Quechua del sur de Conchucos)
«Qamkunaqa Tayta Dios kuyanqan santu runakunam kayanki. Tsaymi ima ashmatapis kikillan wanushqataqa mikuyankitsu. Tsaypa rantinqa markaykikunachö täraq jäpa runakunata qarayanki o rantikuykuyanki. «Kapishpa aytsanta mamanpa lichinwanqa ama kusinayankitsu.