Ezekiel 10:19 — Compare Translations
3 translations compared side by side
Quechuan (Tayta Diospa Wilakuynin) 2003
Rikaraykaptïmi querubinkuna älankunata mashtarkur pampapita pärir aywakärirqan inti jeqamunan kaq lädu punkuman. Päriptin ruëdankunapis mana kachakaypami aywapäkurqan. Tsay punkucho ichiptinmi Tayta Diospa chipchipyayninpis querubinkunapa janancho kaykarqan.
Quechuan 2010
Chay querubín anjilcunana älancunata quicharcur pampapita jatariran. Nogaga ricarä imano jatariycajtapis. Ruyrancunapis charinacushalla jatariycaran. Chaycunata ricarä TAYTA DIOSPA Templun puncu inti yagamunan caj-lächo caycajman ichicuycojtapis. Israelcuna sirbishan Tayta Diospa achicyaynenga caycaran chay älayojcunapa jananchönami.
Quechuan QXO (Biblia en Quechua del sur de Conchucos)
Rikaraykaptïmi querubinkuna älankunata kichaskir patsapita pärir rupay yarqamunan kaq lädu templu punkuman aywakuyarqan. Päriyaptin ruëdankunapis mana jipikaypam aywayarqan. Tsay punkuchö ichiskiyaptinmi Tayta Diospa chipipiyninpis querubinkunapa jananchö kaykarqan.