Ezekiel 48:1 — Compare Translations
3 translations compared side by side
Quechuan (Tayta Diospa Wilakuynin) 2003
«Kanan tantiyatsishayki Israel trïbukunapa posisionnin mayninpa kananpaq kashqantapis. Dan trïbu runakuna chaskishqan posisionqa Israel nacionpa norti kaq lädu kuchunchömi kanqa. Paykunapa lindërun Hetlón markapa aywaq nänipami aywaranqa Hamat partiyaq. Tsaypitami chayanqa Hazar-enányaq. Tsay kaykan Damascupa y Hamatpa sur kaq lindërun tinkuqchömi. Dan trïbu runakuna chaskishqan posisionpa largun kanqa Israel nacionpa anchun kashqannölami. Tsaymi inti jeqamunan kaq lädu lindërupita hasta inti jeqanancho kaykaq lindëruyaq kanqa.
Quechuan 2010
«Norte caj-läpa lindan gallaycushpan Mediterráneo lamarpita aywaraycan Hetlonpa. Chaypa päsarashpan chayaraycan Hamatman yaycunapa Hasar-enanman (Chayga caycan Damascupawan Hamatpa sur caj lindan tincojchömi). Norte caj-läpita gallaycushpan cay trïbucuna raquipänacunanpaj caycan: «Norte caj-lächo inti yagamunan caj lindapita gallaycur inti yaganan caj-lächo caycaj lindacama canga Dan trïbupaj.
Quechuan QXO (Biblia en Quechua del sur de Conchucos)
«Kanan tantiyatsishayki Israel trïbukunapa herenciankuna mayninpa kayänanpä kanqantapis. Dan trïbu runakuna chaskiyanqan herenciaqa Israel nacionpa norti lädunchömi kanqa. Paykunapa lindërunmi Hetlón markaman aywaq nänipa päsar Hamat partiyaq chanqa. Tsaypitam chanqa Hazar-enányaq. Tsay kaykan Damascupa y Hamatpa sur kaq lindërun tinkuqchömi. Dan trïbu runakuna chaskiyanqan herencianpa largun Israel nacionpa anchun kanqannöllam kanqa. Tsaymi rupay yarqamunan kaq lindërupita qallaykur hasta rupay ullunan kaq lindëruyaq kanqa.