Ezekiel 5:12 — Compare Translations
3 translations compared side by side
Quechuan (Tayta Diospa Wilakuynin) 2003
Jinan markachömi wakinniki fiyu qeshyawan wanunkipaq y wakinnikinami yarqaypita wanupäkunkipaq. Wakinnikitami contrayki runakuna marka nawpankunacho wanutsipäkushunkipaq. Wakinnikitanami maytsaypapis aywakunaykipaq espädäta aptakurkur kikï qatikachäshayki.
Quechuan 2010
Gamcuna quimsaman raquisha caycajpita juc partimi jinan siudächo wañonga fiyu gueshyawan, yargaywan. Yapay juc parti cajtanami contrancuna quiquin siudä ñaupancunacho wañuchenga. Yapay juc parti cajtanami machiypa-machir intëruman mashtarishaj. Paycunataga espädäta aptacurcurmi gaticachäshaj.
Quechuan QXO (Biblia en Quechua del sur de Conchucos)
Jinan markachömi wakiki pesti qeshyawan wanuyanki y wakikinam mallaqaywan wanuyanki. Wakikitam contraykikuna marka lädunkunachö wanutsiyäshunki. Y wakikitanam maytsaypapis aywakuyänaykipä espädäta aptakurkur qatikachäyäshayki.