Genesis 26:24 — Compare Translations
3 translations compared side by side
Quechuan (Tayta Diospa Wilakuynin) 2003
Tsayman chayashqan tsakaymi Tayta Dios yuriparkur Isaacta kayno nirqan: «Noqami kaykä papäniki Abraham yärakushqan Dios. Qamwan kaykaptïqa ama mantsakuytsu. Sirvimaqnï Abrahamta promitishqa karmi bendicionnïta qoykushayki. Tsaynölami qampita miraqkunatapis bendicionnïta qoykushaqpaq atskaman mirananpaq».
Quechuan 2010
Chay chacay TAYTA DIOS yuriparcur niran: «Nogami caycä papäniqui Abrahampa Diosnin. Nogaga gamwanmi caycä. Chaymi ama manchacuychu. Sirbimajnë Abraham-raycumi gamtapis bindisyunta goshayqui. Chaymi gampita mirajcunapis aypallaman mirananpaj yanapäshaj.»
Quechuan QXO (Biblia en Quechua del sur de Conchucos)
Tsayman chanqan paqasmi Isaacta yuripaykur Tayta Dios nirqan: «Noqam kä papäniki Abraham yärakunqan Dios. Qamwan kaykaptïqa ama mantsariytsu. Sirvimaqnï Abrahamta awnishqa karmi bendisashayki. Tsaynöllam qampita miraqkunamanpis bendicionnïta churashä atskaman mirayänanpä».