Hebrews 9:4 — Compare Translations
6 translations compared side by side
Quechua (Huaylla Wanca)
Chayćhümi ürupi luläśha insinsiu mismichipäcunan jinaman'a “limanacuśhan babul” nishancäpis cala. Caypa lulïninćhümi winaläla ürupi wacuyćhu Maná nishan tantaca, Aaronpa chillquïmuśha garutinpis, lumićhu cä camachicuypis.
Quechuan (Tayta Diospa Wilakuynin) 2003
Lugar Santïsimuchömi karqan inciensuwan qoshtatsinanpaq qoripita rurashqa altar. Tsaynöpis tsaychömi karqan Pactu Babul. Tsay babulmi jananpa rurinpa qoriwan enchapashqa karqan. Tsaychömi winararqan qoripita rurashqa tazón. Tsay tazonchömi maná nishqan mikuy churararqan. Tsaynöpis tsay babulchömi winararqan Aarónpa tsintsimuq tukrun y läja rumikunacho qelqaraykaq pactupis.
Quechuan - 1972
Chihui curihua rashca incienso nishcara rupachina puru tiauca, shinallara curihua quillpashca arca nishca pactachina shimi santo cajón. Cai arca nishca cajombi, maná nishcara huacachina curi puru, Aaromba iñaj caspi vara, shinallara pactachina shimi rumi palaunas tianauca.
Quechuan 2010
Chaycho caycaran goripita insinsu rupachicuna. Chayno caycaran Tayta Dioswan conträtu rurashan babul. Chayga caran intërun goriwan chapyasha. Chay babul rurincho churaraycaran goripita juc tasun. Chay tasunchöna caycaran maná. Chaynöpis babulcho caycaran Aaronpa bäran. Chay bäranga unay chillguiranshi. Chayno caycaran chunca mandamintucuna isquirbiraycashan läja rumipis.
Quechuan QVS 1992 (San Martín)
Chay alli awadu llachapa ladunpi kuriwan tupadu taksha altar tiyarkan chaypi mishkilla asnakta rupachinankunapa. Chaymanta chay alli awadu llachapapa washan kuartupi suk kaja tiyarkan. Chay kaja ukunpi washanpi kuriwan tupadu karkan. Chay kuriwan tupadu kaja ukunpi kurimanta ruradu puyñu tiyarkan. Chay puyñu ukunpi suk tipi ñukñuk likidu sielumanta urmadu mikuna tiyarkan. Chaymanta chay kaja ukunpi Aronpa wiñashkan bastonnin tiyarkan. Chaymanta chay kaja ukunpi Tata Diospa killkadu kamachikunan tablakuna tiyarkan.
Quechuan QXO (Biblia en Quechua del sur de Conchucos)
Lugar Santïsimuchömi inciensiuta qoshnitsiyänanpä qoripita rurashqa altar karqan. Tsaynöllam tsaychö karqan Pactu Babul. Tsay babulmi jananpa rurinpa qoriwan enchapashqa karqan. Tsaychömi qoripita rurashqa tazón wiñararqan. Tsay tazonchömi maná ninqan mikuy churararqan. Tsaynöllam tsay babulchö wiñararqan Aarónpa tseqllimuq tukrun y läja rumikunachö qellqashqa pactupis.