Jeremiah 40:8 — Compare Translations
3 translations compared side by side
Quechuan (Tayta Diospa Wilakuynin) 2003
Tsayta mayaykurmi mandashqan runakunata pushakurkur tsay capitankuna aywarqan Gedalías kaqman. Gedalíasqa Mizpachömi kaykarqan. Aywaq runakuna karqan Netaníaspa tsurin Ismael, Careapa tsurinkuna Johanán y Jonatán, Tanhumetpa tsurin Seraías, Netofacho taq Efaipa tsurinkuna, Maacatcho taq runapa tsurin Jezanías y paykuna mandashqan lapan runakuna.
Quechuan 2010
Chayno mayaycärir chay mandajcunaga mandashan runacunata pushacarcärir aywaran Gedalías Mizpacho caycashanman. Chay aywaj mandajcunaga caran: Netaniaspa wamran Ismael, Careapa wamrancuna Johananwan Jonatán, Tanhumetpa wamran Seraías, Netofacho tiyaj Efaipa wamrancuna, Maacat runapa wamran Jezanías mandashan runacunawan.
Quechuan QXO (Biblia en Quechua del sur de Conchucos)
Tsayta musyaskirmi mandanqan runakunata pushakurkur tsay capitankuna Gedalías kaqman aywayarqan. Gedalíasqa Mizpachömi kaykarqan. Tsay aywaq runakunam kayarqan Netaníaspa tsurin Ismael, Careapa tsurinkuna Johanánwan Jonatán, Tanhumetpa tsurin Seraías, Netofachö täraq Efaipa tsurinkuna, Maacatchö täraq runapa tsurin Jezanías y paykuna mandayanqan llapan runakuna.