Jeremiah 46:27 — Compare Translations
3 translations compared side by side
Quechuan (Tayta Diospa Wilakuynin) 2003
«Jacobpita miraq sirvimaq runakuna, ama mantsakäriytsu. Karu nacionman apashushqaykipitami qamkunata y qamkunapita miraqkunata jorqamushayki. Pipis manana mantsakätsishuptikimi nacionnikicho jawkala kawapäkunkipaq.
Quechuan 2010
«Jacobpita mirar aywaj Israelcuna ama manchacuychu. Sirbimajcuna ama juc-nirajyaypischu. Maymanpis caru nasyunman apashushayquipitami gamcunata, llapan wamrayquicunatapis jorgamushayquipaj. Chaypitaga allillanami goyäcunquipaj. Pipis manami manchachishunquipänachu.
Quechuan QXO (Biblia en Quechua del sur de Conchucos)
«Jacobpita miraq sirvimaq runakuna, ama mantsariyaytsu. Karu nacionman apayäshunqaykipitam qamkunata y qamkunapita miraqkunata jipiyämushayki. Pipis manana mantsatsiyäshuptikim nacionnikichö tranquïlu kawayanki.