John 19:12 — Compare Translations

Quechua (Huaylla Wanca)

Chay niptin-pacham Pilato imanuypapis Jesusta caćhaycachiyta munala. Jinaptinpis Israelcunäñatacmi ayaycaćhaypa: “Caćhaycülul'a Romap Puydï Mandäcäpa śhalcünin manañam canquichu. Pipis mandätucücá puydï mandäninchicpa cuntranmi śhalcuyan” nicuyalcan.

Quechuan (Tayta Diospa Wilakuynin) 2003

Tsayno niptinmi Pilato kachariyta munarqan. Kachariyta munaptinpis Israel runakunapa autoridäninkuna masraqmi kayno nir qaparparqan: «¡Kay runaqa rey tukurmi mandaq Césarpa contran sharkushqa! ¡Payta kacharirqa qampis Césarpa contranmi kanki!»

Quechuan - 1972

Caimanda Pilato Jesusta cacharingaj iyarica. Judiogunaga astaun caparisha: Can cai runara cacharisha, mana Cesarba amigochu angui, ninauca. Maicans paillara rey apu tucusha Cesarda chijnin.

Quechuan 2010

Niptin Jesusta imanöllapapis cachaycuyta Pilato munaran. Mandaj Israelcunawan runacuna ichanga mas fiyuparaj gaparparan: «¡Mandaj-tucurmi Jesusga ray Cesarpa contran caycan! ¡Chaymi Jesusta cacharerga gampis Cesarpa contran ricacunquipaj!» nir.

Quechuan QVS 1992 (San Martín)

Chay ratumantapacha Pilatoka sukaman munarkan Jesusta kachariyta. Chaypina Jesusta chiknik runakuna ashwanta kaparikushpa Pilatota willarkansapa: —Kay runaka rimashka sinchi kamachikuk kananta. Chayta rimashpa rimaykan manana ashwan sinchi kamachikuk Sesarta kasunanta. Kay runata kacharishpaykika kanpish mananami chay kamachikuk Sesarta kasunkinachu.

Quechuan QXO (Biblia en Quechua del sur de Conchucos)

Tsaynö niptinmi Pilato dëjayta munarqan. Peru Israel runakunapa autoridäninkuna masrämi qayaräyarqan: «¡Kay runaqa rey tukurmi mandaq Césarpa contran kaykan! ¡Payta dëjarqa qampis Césarpa contranmi kanki!»