Joshua 24:11 — Compare Translations
3 translations compared side by side
Quechuan (Tayta Diospa Wilakuynin) 2003
« «Tsaypitanami Jordán mayuta tsimpamur Jericóman chayapäkamurqayki. Jericócho taq runakuna qamkunawan pelyaptinpis paykunata vincinaykipaqmi yanaparqä. Tsaynömi amorreo runakunata, ferezeo runakunata, cananeo runakunata, heteo runakunata, gergeseo runakunata, heveo runakunata y jebuseo runakunata ushakätsinaykipaq yanaparqä.
Quechuan 2010
Chaypita Jordán mayuta chimpar Jericöcama chayamushcanqui. Jericöcho tiyaj runacuna gamcunawan pillyaptinpis paycunata binsinayquipämi yanaparä. Chaynöpami Amorreo, Ferez, Cananeo, Het, Gerges, Hev, Jebús runacunata ushajpaj illgächinayquipäpis yanaparä.
Quechuan QXO (Biblia en Quechua del sur de Conchucos)
«Tsaypitanam Jordán mayuta päsamur Jericóman chäyämurqayki. Jericóchö täraq runakuna qamkunawan pelyaptinpis paykunata vinciyänaykipämi yanaparqä. Tsaynömi amorreo runakunata, ferezeo runakunata, cananeo runakunata, heteo runakunata, gergeseo runakunata, heveo runakunata y jebuseo runakunata ushakätsiyänaykipä yanaparqä.