Luke 9:45 — Compare Translations

Quechua (Huaylla Wanca)

Niptinmi cay nishancäta mana tantiapäculachu mayanninpis mana tantiapaśh captin. Ñatac tapuycuytá manchaculcälatacmi.

Quechuan (Tayta Diospa Wilakuynin) 2003

Tsayno wilaptinpis discïpulunkuna manami tantiyarqantsu imata niykashqantapis. Mana tantiyarpis tapuytami itsanqa mantsakärirqan.

Quechuan - 1972

Paigunaga cai rimashcaunara mana intindinaucachu, maspas paiguna iyaimanda pacashca aca paiguna ama intindingaj. Manzhanaucami paita tapungaj cai shimiunamanda.

Quechuan 2010

Chayno nishantapis manami tantiyaranchu Tayta Dios mana camacächiptin. Y tapuytapis manchacuran.

Quechuan QVS 1992 (San Martín)

Chashna Jesus willaptinkuna disipulunkunaka mana entiendirkansapachu. Paykunapa yuyayninkunata Tata Dios pantachichipurkansapa Jesus yachachishkankunata ama entiendinankunapa. Chaymanta paykunaka mancharkansapa Jesusta tapuyta ashwan allita entiendichinankunapa.

Quechuan QXO (Biblia en Quechua del sur de Conchucos)

Tsaynö willaptinpis discïpulunkuna imata ninqantapis manam tantiyayarqantsu. Peru mana tantiyarpis tapuytam sïqa mantsapäyarqan.