Revelation 20:4 — Compare Translations

Quechua (Huaylla Wanca)

Chaypïtam licälú täcunanćhü-cama mandacunanpä ćhulaycuśhancunaca täcuyalcäta. Chay mu'uśha nunacunäpa almancunactamari licälú. Chaynu wañüchisha capäcula Jesuspa willacuyninman masïsu chalapaculcäśhanpïtam, Diospa shiminta willaculcäśhanpïtam, chay chucarütapis nï liträtuntapis mana alawapäcuśhanpïtam, chaynütac maquinćhüpis, ulcunćhüpis mana unanchachiculcäśhanpïtam. Paycuna śhalcälälimulmi Jesuswan walanga (1000) wata mandapäcun'a.

Quechuan (Tayta Diospa Wilakuynin) 2003

Tsaypitanami trönukunata rikarqä. Tsay trönukunamanmi juzgaqkuna jamakärirqan. Tsaynölami tsaytsika almakunatapis rikarqä. Tsay almakuna karqan Jesucristuman yärakur Tayta Diospa wilakuyninta wilakushqanpita kunkan kutsuypa wanutsishqan runakunapa almankunami. Paykuna manami anticristuta ni ïduluntapis adorapäkurqantsu. Tsaynöpis manami anticristupa señalninwan urkunman ni makinman señalatsikurqantsu. Tsay runakunami kawarirkamur waranqa (1,000) wata Jesucristuwan mandanqa.

Quechuan - 1972

Apu tiarinaunara ricucani. Chihui tiajgunama taripana ushaira cushca aca. Jesuspa shutira rimashcamanda Diospa shimimandas cungara pitishcauna almaunara ricucani. Caiguna Animaldas paihuaj cuenta ricurijtas mana adorajguna aca, shinallara paihua señalda mana apinauca urintiis maquiunais. Caiguna causanauca, shinallara mandanauca Cristohua pariju huaranga huata tupura.

Quechuan 2010

Chaypitanami ricarä mandajcuna jamacunanpaj silluncunata. Chay silluncunamanmi jamaycuran jusgajcunaga. Chaychica almacunatapis ricarä. Chay almacunaga caran wañuchishan runacunapa almancunami. Jesucristuman yäracur Tayta Diospa alli willacuyninta willacushanpitami paycunataga wañuchiran. Paycunaga manami aduraranchu waräcuyta. Urcunman ni maquinmanpis manami señalachicuranchu waräcuypa señalninwanga. Waräcuypa ïduluntapis manami aduraranchu. Chay wañuchishan runacunaga cawarircamur waranga (1,000) watami Jesucristuwan mandanga.

Quechuan QVS 1992 (San Martín)

Chaymanta kawarkani aypa kamachikukkunapa tiyarinankunata. Chaypi kawarkani aypa tiyaridu runakunata. Paykuna manara wañushpara Tata Diospa rimananta Jesukristupa yachachikunanta allita yachachikurkansapa. Chay runakunaka chay kanchis umayuk manchana laya animalta mana kuyarkansapachu. Nima ruradu figuranta kuyarkansapachu. Nima makinkunapi nima urkunkunapi chay animalpa sellunwan selluchaduchu karkansapa. Chashna Tata Diospa rimananta allita yachachikuptinkuna chay manchana laya animalka umankunata tipichishpa wañuchichirkansapa. Paykunata wañuchichiptinkunapish Tata Dios kawsachimushpa willarkansapa waranka watata Jesukristuwan tantalla kamachikunankunapa.

Quechuan QXO (Biblia en Quechua del sur de Conchucos)

Tsaypitanam trönukunata rikarqä. Tsay trönukunamanmi juzgaqkuna jamayarqan. Tsaynöllam tsaytsika almakunatapis rikarqä. Tsay almakunam kayarqan Jesucristuman criyikur Tayta Diospa willakuyninta willakuyanqanpita kunkankunatapis roquypa wanutsiyanqan runakunapa almankuna. Paykuna manam anticristuta ni ïduluntapis adorayarqantsu. Tsaynöllam anticristupa señalninwan urkunmanpis ni makinmanpis señalatsikuyarqantsu. Tsay runakuna kawaskamurmi waranqa (1,000) wata Jesucristuwan mandayanqa.