Kiche 1995 (Quiché Bible)
Aretak xq'uis u tza'm ronojel wa', conojel ri aj Israelib ri e c'o chila' xebe chquipam tak ri tinimit ri e c'o pa Juda. Xequic'äjij ri tastalicalaj tak abaj, xebe qui paxij tak ri e u wächbal tak ri Asera xebequit'akij tak ri k'ijilabal ri quek'ijilax wi tak ri diosib, c'ä xquiq'uis na qui c'äjixic conojel tak we jastak ri' pa ronojel ri Juda, pa Benjamin, xukuje' c'u ne pa Eprain xukuje' Manases. Conojel c'ut ri aj israelib xetzelej pa tak ri e qui tinimit, chquijujunal pa tak ri e culew.