2 Kings 23:24 — Compare Translations

Kiche 1995 (Quiché Bible)

Ri Josiy xukuje' xusachisaj qui wäch ri ajk'ijab xukuje' ri ch'obonelab, ri e diosib ri e c'o pa tak ri cachoch ri winak xukuje' niq'uiaj e diosib chic, xukuje' conojel ri xojibalalaj tak jastak ri xecoj che k'ijilanic ri quilitaj cuc' ri winak pa Juda xukuje' pa Jerusalen. Xuban wa' che u tz'akatisaxic ri cubij ri pixab ri tz'ibatal chupam ri wuj ri u rikom ri Hilsiy ri cojol tabal tok'ob chupam ri rachoch ri Ajawaxel.