Acts 19:27 — Compare Translations

Kiche (RI KꞌAKꞌ TESTAMENTO PA TZIJOBꞌAL KꞌICHEꞌ)

We man nim chik kilik ri templo rech ri Diana, kasach uwach waꞌ we qakꞌay, sibꞌalaj kꞌax riꞌ. Man kaya ta chi kꞌu uqꞌij we nimalaj dios ri kaqꞌijilax kumal konojel ri winaq aꞌj Asia, xuqujeꞌ kumal konojel ri winaq ri e kꞌo cho ri uwachulew.

Kiche 1995 (Quiché Bible)

Sibalaj c'ax wa' we ne quetzelax na u wäch we ka chac ri'. Xukuje' sibalaj c'ax wa' we ne ri winak cäquichomaj chi man c'o ta u patan ri rachoch ri ixok dios Artems ri nim u k'ij. Je c'u ri' man cäya' ta chi u k'ij ri ka dios ri cäk'ijilax cumal conojel ri winak re Asiy xukuje' ronojel ri uwächulew.”

Kiche QUCN (New Orthography)

We ne man nim tä chi kil wi ri rachoch ri nimalaj dios Diana, käsach k'u u wäch ri qa k'ay, are sib'alaj k'äx wa'. Je ri' man käyi' tä chi u q'ij we nimalaj dios ri' ri käq'ijilax kumal konojel ri winaq aj Asia, xuquje' kumal konojel ri winaq cho ruwächulew, —xcha chke.

Kiche QUCT

We ne man nim tä chi quil wi ri rachoch ri nimalaj dios Diana, cäsach cˈu u wäch ri ka cˈay, are sibalaj cˈäx waˈ. Je riˈ man cäyiˈ tä chi u kˈij we nimalaj dios riˈ ri cäkˈijilax cumal conojel ri winak aj Asia, xukujeˈ cumal conojel ri winak cho ruwächulew, ―xcha chque.