1 Chronicles 7:4 — Compare Translations

Romani Baltic (Библия - Пэ Балтитко Романи чиб (Романэс) 2019)

Лэ́ндэ, пир ро́ды лэ́нгирэ, пир стрэ́чы лэ́нгирэ, сыс скэдынэ́ кэ марибэ́н халадэ́н трия́нда шов тысёнцы; пал-дова́ со лэ́ндэ сыс бут ромне́н и чхавэ́н.

Romani Baltic Latin (Biblija - Pe Baltitko Romani čib (Romanes) 2019)

Lénde, pir ródy léngire, pir stréčy léngire, sys skedyné ke maribén xaladén trijánda šov tysjoncy; pal-dová so lénde sys but romnién i čhavén.

Romani German (ROM6) (O Debleskro Drom 2021)

Len his jaake bud romja un tchawe, kai wan dran lengre familje 36.000 mursha, kai his kurepangre. Jaake his dren tchinlo an i familjakro liil.

Romani Sinte 2024 (O Debleskro Lab 2024 (Sinte-Manouche))

Len his yaake boud romya oun čave, kay van dran lengre familye 36.000 morsha, kay his kourepangre. Yaake his dren činlo an i familyakro liil.

Romani Slovakian RMC (Le Devleskero Lav Andre Romaňi Čhib Slovensko 2021)

Andre lengro rodokmeňos sas zapisimen 36 000 maribnaskre murša, bo sas len but romňija the čhave.

Romani Ursari 2018 (Biblia Ande Chib Romani)

Soke sea len but rromia ta chave, cherdile boñikura tromane te marenpe. Von sea tranda ta sov milie llene.

Romani from Romanian (E Romaii Biblia 2020 (Kăldărărihko))

sas le lença, pala lengă neamuri, pala le khăra lengă daddengă, treanda thai šov manuši, kătane ando mardimos, kă sas les but romnea thai šave.