Acts 2:33 — Compare Translations

Romani (E Nevi Viasta o Psalmo 2004 (Maximoff - Kalderaš)) Kalderaš/Căldărari

Uštiado pe e čači rig le Devleski, vo lias katar o Dad o Svinto Duxo kai sas phendo ke avel, ai kai vo dias les, si so tume dikhen ai ašunen.

Romani 1984 (American Standard Version)

Vazdino katar o chachimos le Devlesko, lia katar O Dat O Swunto Duxo kai sas shinado, ai shordia pesko Swunto Duxo, sar dikhen ai ashunen.

Romani 2004 Kalderaš (E Nevi Viasta o Psalmo 2004 (Maximoff - Kalderaš))

Uštiado pe e čači rig le Devleski, vo lias katar o Dad o Svinto Duxo kai sas phendo ke avel, ai kai vo dias les, si so tume dikhen ai ašunen.

Romani Baltic (Библия - Пэ Балтитко Романи чиб (Романэс) 2019)

Дэвэ́л ґаздыя́ Лэс Пэ́скирэ най зоралэды́р вастэ́са, и Ёв прилыя́ Лэ́стыр Свэ́нто Ду́хо (Фа́но), пал саво́ дыя́ лав Дад; Дэвэ́л кэрдя́ дова́, со тумэ́ какана́ шунэ́на и дыкхэ́на.

Romani Baltic Latin (Biblija - Pe Baltitko Romani čib (Romanes) 2019)

Devél ĥazdyjá Les Péskire naj zoraledýr vastésa, i Jov prilyjá Léstyr Svénto Dúho (Fáno), pal savó dyjá lav Dad; Devél kerdiá dová, so tumé kakaná šunéna i dykhéna.

Romani Chergash Ursari (Biblija pe Romani Čhib) - No Year

Thaj akana si vazdino pe počasno desno rig e Devlešće, vo e Dadestar primisardas o obećanje e Sveto Duhos te izlil les pe amende. Thaj akana godova dićhen thaj ašunen.

Romani Chile (Vlax Chileana) (Nuevo Testamento Romané 2007)

Ta o Del blagosisarda le ta ttoda le pe pi chachi rig ta lia katar o Dad o Santo Duo kai diaia po alau kai ka del, ta mapalal vou diale amenge. Gua si so tumen dikklen ta asunden.

Romani Chilean (Nuevo Testamento Romané 2007)

Ta o Del blagosisarda le ta ttoda le pe pi chachi rig ta lia katar o Dad o Santo Duo kai diaia po alau kai ka del, ta mapalal vou diale amenge. Gua si so tumen dikklen ta asunden.

Romani German (ROM6) (O Debleskro Drom 2021)

Un o Dewel kras les rai pral halauter, un tchiwas o Debleskro Ducho ap leste, jaake har job penas. Un ko Debleskro Duches tchiwas o Jesus ninna ap mende. Kawa shunenn un dikenn tumer kate.

Romani Serbian (Romski Prevod Novog zaveta - Srbija)

Laćhe vasteja, akana, e Devlesereja vazdinđa pe, thaj lindoj kotar o Dad dindo lafi e Sumnale Đestar, ćhorđa akava so tumen akana dikhena thaj šunena.

Romani Sinte 2024 (O Debleskro Lab 2024 (Sinte-Manouche))

Oun o Devel kras les ray pral halauter, oun čivas o Debleskro Dourho ap leste, yaake har yob penas. Oun ko Debleskro Dourhes čivas o Yezous ninna ap mende. Kava shounenn oun dikenn t'mer kate.

Romani Slovakian RMC (Le Devleskero Lav Andre Romaňi Čhib Slovensko 2021)

O Del les hazdňa upre paš peskro čačo vast a priiľa le Dadestar le Svete Duchos, avke sar o Dad diňa lav. Ov les čhiďa avri pre amende a oda hin oda, so tumen akana dikhen the šunen.

Romani Ursari (E Devleso Lafi ko Gurbetsko Dijalekt)

O Dol vazdija e Isuse ko počasno than ki desno rig thaj primisada taro Dad e Svetone Duxo savo sasa lese obećimo. Vov čhuta pe amende kava so akana dičhen thaj šunen.

Romani Ursari 2018 (Biblia Ande Chib Romani)

Ta o Del blagosisarda le ta thoda le pe pi chachi rig ta lia katar o Dad o Santo Duo kai diaia po alav kai ka del, ta mapalal vou diale amenge. Gua si so tumen dikhlen ta asunden.

Romani from Romanian (E Romaii Biblia 2020 (Kăldărărihko))

Thai akana, ăkhdata so vazdinisai'lo ande čeačirig le Devllesti, thai lea kata o Dadd o šinaimos le Sfîntone Duxohko, šordea so dikhăn thai ašunen.