1 Kings 8:1 — Compare Translations

Kinyarwanda 2001 (BIR) (Bibiliya Ijambo Ry'imana)

Nuko Umwami Salomo ahamagaza abakuru b'Abisiraheli, n'abahagarariye imiryango cumi n'ibiri ya ba sekuruza, n'abatware bose b'amazu ngo baze bakoranire aho ari i Yeruzalemu. Yari abahamagariye guherekeza Isanduku y'Isezerano y'Uhoraho, ngo ivanwe i Siyoni mu Murwa wa Dawidi ishyirwe mu Ngoro y'Uhoraho.

Kinyarwanda 2012 (Bibiliya Ntagatifu)

Nuko Salomoni akoranyiriza iruhande rwe i Yeruzalemu abakuru ba Israheli, abatware b’imiryango n’ibikomangoma byo mu mazu y’Abayisraheli, kugira ngo bazamure Ubushyinguro bw’Isezerano ry’Uhoraho, babuvanye mu Murwa wa Dawudi, ari wo Siyoni.

Rwandan Kinyarwanda (BYSB) 2001 (Bibiliya Yera)

Hanyuma Salomo ateranya abakuru ba Isirayeli n'abatware b'imiryango bose, ari bo batware b'amazu ya ba sekuruza b'Abisirayeli, bateranira i Yerusalemu bitabye Umwami Salomo kugira ngo bazamure isanduku y'isezerano ry'Uwiteka, bayikure mu mudugudu wa Dawidi i Siyoni.