2 Chronicles 24:11 — Compare Translations

Kinyarwanda 2001 (BIR) (Bibiliya Ijambo Ry'imana)

Igihe cyarageraga Abalevi bakajyana isanduku ku mugenzuzi w'ibwami wari ubishinzwe. Iyo basangaga yuzuye, umunyamabanga w'umwami n'abahagarariye Umutambyi mukuru barayajyanaga bagakuramo ifeza, isanduku bakayisubiza mu mwanya wayo. Babigenzaga batyo buri munsi bakakira ifeza nyinshi.

Kinyarwanda 2012 (Bibiliya Ntagatifu)

Iyo igihe cyabaga kigeze, iyo sanduku abalevi barayizanaga bakayishyikiriza abagenzuzi b’umwami. Naho bo, iyo basangaga irimo feza nyinshi, umwanditsi w’umwami n’umufasha w’umuherezabitambo mukuru barazaga; feza yose bakayimaramo, hanyuma ya sanduku bakayijyana bakayisubiza mu mwanya wayo. Babigenzaga batyo buri munsi, nuko babona feza nyinshi.

Rwandan Kinyarwanda (BYSB) 2001 (Bibiliya Yera)

Iyo Abalewi bazanaga isanduku mu nzu umwami yagiragamo inama bagasanga harimo impiya nyinshi, umwanditsi w'umwami n'umutware w'umutambyi mukuru barazaga bagasuka ibiri mu isanduku bakaranguza, bakayenda bakayisubiza ahantu hayo. Uko ni ko bagenzaga uko bukeye, bagateranya impiya nyinshi cyane.