2 Chronicles 5:13 — Compare Translations

Kinyarwanda 2001 (BIR) (Bibiliya Ijambo Ry'imana)

Abaririmbyi n'abacuranzi bose hamwe bahuzaga amajwi bahimbaza kandi bashima Uhoraho. Baririmba iyo ndirimbo iherekejwe n'inanga n'ibindi bicurangisho bagira bati: “Nimushimire Uhoraho kuko agira neza, imbabazi ze zihoraho iteka ryose.” Bakiririmba igihu cyuzura Ingoro y'Uhoraho,

Kinyarwanda 2012 (Bibiliya Ntagatifu)

Abavuzaga amakondera n’abaririmbyi, bose hamwe bahuzaga amajwi basingiza kandi bahimbaza Uhoraho. Bakarangurura amajwi y’amakondera, y’ibyuma birangira n’ibicurangwa basingiza Uhoraho, «kuko ari umugwaneza, kandi ubudahemuka bwe bugahoraho iteka!» Ni bwo igihu cyuzuye Ingoro y’Uhoraho,

Rwandan Kinyarwanda (BYSB) 2001 (Bibiliya Yera)

Ubwo abavuzaga amakondera n'abaririmbaga bahuza amajwi. Bumvikanishije ijwi rihuye bahimbaza bashima Uwiteka, kandi barangurura amajwi yabo n'amakondera n'ibyuma bivuga n'ibintu bicurangwa, bahimbaza Uwiteka bati“Uwiteka ni mwiza, kandi imbabazi ze zihoraho iteka ryose.” Nuko muri uwo mwanya inzu iherako yuzura igicu, ari yo nzu y'Uwiteka. 107.1; 116.1; 136.1; Yer 33.11