2 Kings 23:4 — Compare Translations

Kinyarwanda 2001 (BIR) (Bibiliya Ijambo Ry'imana)

Nuko umwami ategeka Umutambyi mukuru Hilikiya n'abatambyi bamwungirije, n'abarinzi b'amarembo kugira ngo basohore mu Ngoro y'Uhoraho ibintu byose byakoreshwaga mu kuramya Bāli na Ashera n'ibinyarumuri. Nuko barabisohora babitwikira hanze ya Yeruzalemu mu kabande ka Kedironi, ivu ryabyo barijyana i Beteli.

Kinyarwanda 2012 (Bibiliya Ntagatifu)

Nuko umuherezabitambo mukuru Hilikiyahu, umuherezabitambo umwungirije, n’abarinzi b’irembo, umwami abategeka gusohora mu Ngoro y’Uhoraho ibintu byose byakorewe kubahiriza Behali, na Ashera, n’ibinyarumuri byose by’ibigirwamana byo mu kirere. Babivanamo byose bajya kubitwikira kure ya Yeruzalemu mu kabande ka Sedironi, umuyonga wabyo bawujyana i Beteli.

Rwandan Kinyarwanda (BYSB) 2001 (Bibiliya Yera)

Nuko umwami ategeka Hilukiya umutambyi mukuru, n'abatambyi bari mu mwanya wa kabiri n'abarinzi b'inzugi, gukura mu rusengero rw'Uwiteka ibintu byose byaremewe Bāli na Ashera n'ingabo zose zo mu ijuru, abitwikira inyuma y'i Yerusalemu mu kabande k'i Kidironi, umuyonga wabyo awujyana i Beteli.