Exodus 28:15 — Compare Translations

Kinyarwanda 2001 (BIR) (Bibiliya Ijambo Ry'imana)

“Abahanga mu kudoda bazadode agafuka ko mu gituza cy'umutambyi, azatwaramo ibikoresho byo gukemura ibibazo. Bazakadode mu mwenda umeze nk'uw'igishura, w'ubudodo bw'isine n'ubw'umuhemba n'ubw'umutuku, n'ubw'umweru bukaraze n'ubw'izahabu.

Kinyarwanda 2012 (Bibiliya Ntagatifu)

Uzakore umusesuragituza ugenewe kumara impaka, ukorwe n’abahanga, bawutake kimwe n’umusanganyagihimba. Uzawukoreshe zahabu, ubwoya bw’isine, bw’umuhemba, n’ubutukura, na hariri ihotoye.

Rwandan Kinyarwanda (BYSB) 2001 (Bibiliya Yera)

“Kandi uzabohe umwambaro wo ku gituza wo kūngurisha inama, abahanga b'ibyo abe ari bo bawuboha. Uko efodi iboshywe abe ari ko uwuboha, uwuremeshe imikwege y'izahabu n'ubudodo bw'umukara wa kabayonga, n'ubw'umuhengeri n'ubw'umuhemba, n'ubw'ibitare byiza buboheranije.