Isaiah 66:19 — Compare Translations

Kinyarwanda 2001 (BIR) (Bibiliya Ijambo Ry'imana)

Nzashyira ikimenyetso hagati yabo, abazarokoka muri bo nzabohereza mu mahanga ari yo Tarushishi na Puti na Ludi, ibihugu by'abahanga mu kurasa imyambi. Nzabohereza n'i Tubali no mu Bugereki no mu bihugu bya kure bitaramenya ububasha n'ikuzo byanjye. Bazatangaza ikuzo ryanjye muri ayo mahanga.

Kinyarwanda 2012 (Bibiliya Ntagatifu)

Koko, nzashyira ikimenyetso rwagati muri yo, maze nzohereze mu mahanga abarokotse muri bo: i Tarishishi, i Puti n’i Ludi (mu bahanga b’umuheto), i Tubali, i Yabani no mu birwa bya kure bitigeze byumva bamvuga, bitanigeze bibona ikuzo ryanjye, bazamamaze ikuzo ryanjye mu mahanga.

Rwandan Kinyarwanda (BYSB) 2001 (Bibiliya Yera)

Kandi nzabashyiramo ikimenyetso, abarokotse nzabatuma mu mahanga, i Tarushishi n'i Puli n'i Ludi mu bafozi b'imiheto, n'i Tubali n'i Yavani mu birwa biri kure, aho batarumva kwamamara kwanjye ntibabone n'icyubahiro cyanjye, maze bazabwiriza amahanga iby'icyubahiro cyanjye.