Jeremiah 32:44 — Compare Translations

Kinyarwanda 2001 (BIR) (Bibiliya Ijambo Ry'imana)

Imirima izagurwa ifeza, handikwe ibyemezo biterweho kashe, bigire abagabo bo kubihamya. Ibi bizakorwa mu ntara y'Ababenyamini no mu nsisiro zikikije Yeruzalemu, no mu mijyi y'u Buyuda n'iyo mu misozi miremire, n'iyo mu misozi migufi y'iburengerazuba no mu majyepfo, kuko nzatuma bagarura ubuyanja.” Uko ni ko Uhoraho avuze.

Kinyarwanda 2012 (Bibiliya Ntagatifu)

Bazagura iyo mirima batanze feza, bandike inyandiko z’ubuguzi, bazishyireho ikashe babanje gutora abagabo mu gihugu cya Benyamini, mu mpande za Yeruzalemu no mu migi ya Yuda, mu migi yo mu misozi, iyo mu mirambi, n’iyo muri Negevu, kuko ngiye kubagarura. Uwo ni Uhoraho ubivuze!

Rwandan Kinyarwanda (BYSB) 2001 (Bibiliya Yera)

Abantu bazagura imirima ifeza, bandike inzandiko z'ubuguzi bazishyireho icyitegererezo cy'ubushishi, bitorere abagabo mu gihugu cya Benyamini n'imisozi ikikije i Yerusalemu no mu midugudu y'u Buyuda, mu midugudu yo mu misozi miremire no mu midugudu yo mu bibaya no mu midugudu y'ikusi, kuko nzagarura ababo bajyanywe ari imbohe.” Ni ko Uwiteka avuga.