Jeremiah 41:16 — Compare Translations

Kinyarwanda 2001 (BIR) (Bibiliya Ijambo Ry'imana)

Hanyuma Yohanani mwene Kareya n'abagaba b'ingabo bose bari kumwe na we, bajyana abantu barokotse, abo Ishimayeli mwene Netaniya yari yarajyanye ho iminyago abakuye i Misipa, igihe yari amaze kwica Gedaliya mwene Ahikamu. Abo bari abasirikari, n'abagore n'abana, n'inkone yari yavanye i Gibeyoni.

Kinyarwanda 2012 (Bibiliya Ntagatifu)

Yohanani mwene Kareya n’abatware b’ingabo bari bamuherekeje, bishingira abantu bari basigaye, bamwe Yishimayeli mwene Netaniya yari yazanye ari imbohe abavanye i Misipa, igihe yishe Gedaliyahu mwene Ahikamu. Abo bose rero, ari abagabo, abagore n’abana, ari n’abarinzi b’ibwami, babavana i Gibewoni, barabagarura.

Rwandan Kinyarwanda (BYSB) 2001 (Bibiliya Yera)

Yohanani mwene Kareya n'abatware b'ingabo bose bari kumwe na we, baherako bajyana abantu basigaye bose, abo yakijije Ishimayeli mwene Netaniya ari bo bari bavuye i Misipa, Ishimayeli amaze kwica Gedaliya mwene Ahikamu. Yohanani arabagarura abavanye i Gibewoni, hari ingabo z'intambara, n'abagore n'abana n'inkone.