Jeremiah 44:17 — Compare Translations

Kinyarwanda 2001 (BIR) (Bibiliya Ijambo Ry'imana)

Ahubwo tuzakora ibyo twavuze byose: tuzosereza imibavu umwamikazi w'ijuru, tumuture amaturo asukwa nk'uko twebwe na ba sogokuruza n'abami bacu n'abayobozi bacu, twabikoreye mu mijyi y'u Buyuda no mu mayira y'i Yeruzalemu. Icyo gihe twari dufite ibyokurya bihagije kandi tumerewe neza, nta n'ingorane twigeze tugira.

Kinyarwanda 2012 (Bibiliya Ntagatifu)

Tugiye gukora ibyo twiyemeje byose, dutwikire imibavu Umwamikazi wo mu kirere, tumumurikire ibitambo biseswa nk’uko twabigenzaga mu migi ya Yuda no mu mayira ya Yeruzalemu, ari twebwe ubwacu, abasokuruza bacu, abami bacu, n’abatware bacu. Icyo gihe twari dufite imigati ihagije, tukabaho mu munezero uzira amakuba.

Rwandan Kinyarwanda (BYSB) 2001 (Bibiliya Yera)

Ahubwo tuzasohoza rwose ijambo ryose ryavuye mu kanwa kacu, ryo kosereza umugabekazi wo mu ijuru imibavu no kumusukira amaturo y'ibyokunywa, nk'uko twagenje twe na ba sogokuruza, n'abami bacu n'ibikomangoma byacu tukiri mu midugudu y'u Buyuda no mu nzira z'i Yerusalemu, kuko ari ho twabonaga ibyokurya byinshi tugahirwa, tutagira ikibi tubona.