Joshua 8:33 — Compare Translations

Kinyarwanda 2001 (BIR) (Bibiliya Ijambo Ry'imana)

Abisiraheli bose, ari abakuru ari abatware ari abacamanza ari rubanda, hamwe n'abanyamahanga bari kumwe na bo, bigabanyamo amatsinda abiri, rimwe rijya ku musozi wa Gerizimu, irindi ku wa Ebali. Abalevi b'abatambyi bahetse Isanduku y'Isezerano ry'Uhoraho, bahagarara hagati yabo babasabira umugisha, nk'uko Musa umugaragu w'Uhoraho yari yarabitegetse.

Kinyarwanda 2012 (Bibiliya Ntagatifu)

Israheli yose, n’abakuru bayo, n’abatware bayo, n’abacamanza bayo, bari bakikije Ubushyinguro. Yaba umusuhuke cyangwa kavukire, bose bari imbere y’abaherezabitambo b’Abalevi batwaraga Ubushyinguro bw’Isezerano ry’Uhoraho. Bamwe bari imbere y’umusozi wa Garizimu, abandi imbere ya Ebali, nk’uko Musa, umugaragu w’Uhoraho, yari yarabitegetse, kugira ngo Abayisraheli babanze bahabwe umugisha.

Rwandan Kinyarwanda (BYSB) 2001 (Bibiliya Yera)

Abisirayeli bose n'abakuru babo n'abatware babo n'abacamanza babo, bahagarara hirya no hino y'isanduku imbere y'Abalewi b'abatambyi bahekaga isanduku y'isezerano ry'Uwiteka, si imbyaro zabo gusa ahubwo n'abanyamahanga. Igice cyabo cyari gihagaze ahagana ku musozi Gerizimu, ikindi gice ahagana ku musozi Ebali, nk'uko Mose umugaragu w'Uwiteka yabategetse ubwa mbere gusabira Abisirayeli umugisha.