Leviticus 4:35 — Compare Translations

Kinyarwanda 2001 (BIR) (Bibiliya Ijambo Ry'imana)

Uwo muturage akureho urugimbu rwayo rwose nk'uko babigenza ku ntama y'igitambo cy'umusangiro. Nuko umutambyi arutwikire ku rutambiro hamwe n'andi maturo atwikwa batuye Uhoraho. Uko ni ko umutambyi azajya ahongerera icyaha cy'umuturage usanzwe, kugira ngo akibabarirwe.

Kinyarwanda 2012 (Bibiliya Ntagatifu)

Inyama zose zifite ibinure azazikureho, nk’uko bagenza umwana w’intama utuweho igitambo cy’ubuhoro, maze umuherezabitambo azitwikire ku rutambiro, ziyongere ku gitambo cy’ibiribwa bikongokeye Uhoraho burundu. Umuherezabitambo namara gukorera ku wakoze icyaha umuhango wo kukimuhanaguraho, ubwo azaba akibabariwe.

Rwandan Kinyarwanda (BYSB) 2001 (Bibiliya Yera)

Urugimbu rwacyo rwose arukūre nk'uko bakūra urw'umwana w'intama w'igitambo cy'uko bari amahoro, umutambyi arwosereze ku gicaniro, hejuru y'ibitambo byatambiwe Uwiteka bigakongorwa n'umuriro. Nuko umutambyi amuhongerere impongano y'icyaha yakoze, maze uwo muntu azakibabarirwa.