Nehemiah 8:1 — Compare Translations

Kinyarwanda 2001 (BIR) (Bibiliya Ijambo Ry'imana)

Nuko ku itariki ya mbere y'uko kwezi, abantu bose bari bahuje umugambi maze bateranira ku kibuga cyari imbere y'Irembo ry'Amazi. Basaba Ezira umutambyi n'umwigishamategeko, kubazanira igitabo cy'Amategeko Uhoraho yari yarahaye Musa ngo ayashyikirize Abisiraheli. Nuko Ezira azana icyo gitabo imbere y'imbaga y'abantu igizwe n'abagabo n'abagore n'abana bamaze guca akenge.

Kinyarwanda 2012 (Bibiliya Ntagatifu)

maze imbaga yongera gukoranira ku kibuga cy’imbere y’Irembo ry’Amazi, bose bashyize hamwe. Nuko babwira Ezira, umwanditsi, ngo azane igitabo cy’Amategeko ya Musa, Uhoraho yari yarahaye Israheli.

Rwandan Kinyarwanda (BYSB) 2001 (Bibiliya Yera)

Maze abantu bose bateranira icyarimwe ku karubanda ku irembo ry'amazi, babwira Ezira umwanditsi ngo azane igitabo cy'amategeko ya Mose, ayo Uwiteka yategetse Abisirayeli.