Nehemiah 8:15 — Compare Translations

Kinyarwanda 2001 (BIR) (Bibiliya Ijambo Ry'imana)

Basanze kandi ko iyo minsi mikuru yagombaga gutangarizwa abantu bo mu mijyi yose ndetse n'ab'i Yeruzalemu, bakababwira bati: “Nimujye mu misozi muzane amashami y'iminzenze ihingwa, n'ay'iminzenze ya cyimeza n'ay'imihadasi, n'ay'imikindo n'ay'ibiti bitsitse amashami, maze muce ingando nk'uko ibyanditswe bivuga.”

Kinyarwanda 2012 (Bibiliya Ntagatifu)

Bakibimenya, bahita bohereza mu migi yose n’i Yeruzalemu iri tangazo: «Nimugende mujye mu misozi, muzane amashami y’imizeti ya kimeza, ay’imizeti yahinzwe, ay’ibiti bikorwamo imibavu, ay’imikindo n’ay’ibindi biti bifite amababi menshi, maze muyubakishe amazu, nk’uko byanditswe.»

Rwandan Kinyarwanda (BYSB) 2001 (Bibiliya Yera)

kandi yuko bararika bakamamaza mu midugudu yabo yose n'i Yerusalemu bati “Nimusohoke mujye ku musozi muzane amashami y'imyelayo n'ay'iminzenze, n'ay'imihadasi n'ay'imikindo n'ay'ibiti by'amashami atsikanye, muce ingando nk'uko byanditswe.”