Nehemiah 11:12 — Compare Translations

Santali Bible (সান্তালী বাইবেল)

Onkoren arhõ aema são kạmiyạkoko tahẽkana one okoe do mundilreko kạmikan tahẽkan. Niạ bõsren jotote irạl sae bargel bar naekeko do Jerusalemreko girobasokʼ kan tahẽkana. Ona chaḍa Jerohamren hopon Adaya ar uni bõsren barsae pongel bar naekeko do Jerusalemreko girobasokʼ kan tahẽkana. Noko sanamkoge gharońjren mukhiyạko tahẽkana. Jerohamren hapṛamko doko hoyokʼkana Pelalia, Amsi, Sekaria Pashur ar Malkia. Ona chaḍa Asrelren hopon Amasai ar uni bõsren mitʼsae bargel irạl naekeko hõ Jerusalemreko girobasokʼ kan tahẽkana. Noko sanamkoge daṛean lạṛhại birko tahẽkana; Onkoren subedar do Hagedolimren hopon Sabdiyel tahẽkana. Asarelren hapṛamko do Ahsai, Mesilemoth ar Emer tekoko tahẽkana.