bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Santali
/
Santali Bible (সান্তালী বাইবেল)
/
Deuteronomy 16
Deuteronomy 16
Santali Bible (সান্তালী বাইবেল)
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 17 →
1
“Abib candore ape do aperen Probhu Isor ńutumte bańcaokʼ porobpe porobokʼa. Niạ Abib candorege uni do ńindạ jokhecʼ Misor disạm khon apeye oḍok ạguletʼpea.
2
Acʼ apnartetʼe sodorokʼ iạte Probhu Isor do acʼakʼ tahen jaega lekate okaṭakʼe bachao joṅ, onḍege aperen ḍaṅgra se merom se bhiḍi palko khon janwar hataokate aperen Probhu Isor ńutumte bańcaokʼ porobpe porobokʼa.
3
Uni janwarakʼ jel do khạmi mesalakatʼ piṭhạ sãote alope joma. Menkhan eae din hạbicʼ apeakʼ duk disạite bin khạmiyanakʼ piṭhạpe joma, ente Misor disạm khon usạratepe oḍok hecʼakana. Onate Misor disạm khon oḍok hijukʼ reakʼ katha jiwetʼ jonompe disạ dohokakʼa.
4
Niạ eae din apeakʼ simạre ar ape talare khạmi mesalakatʼ jãhãn jinis alo baṛe ńamokʼma. Porob reakʼ pạhil din ạyupʼ jokhecʼ okaṭakʼ jelpe samaṅ ona do setakʼ hạbicʼ alope sarecʼ dohokakʼa.
5
“Aperen Probhu Isorakʼ emakʼ ar okaṭakʼ nagraharege bańcaokʼ porobren janwar do alope samaṅkoa;
6
okaṭakʼ ṭhạ̃ire uni do apnartetʼ sodorokʼ lạgitʼte acʼakʼ tahen oṛakʼ lekateye bachao joṅ eken onḍegepe samaṅkoa. Oka hilokʼ Misor disạm khonpe oḍokʼ hecʼakan jao bochor ona dinre siń cando hạsur tayom bańcaokʼ porobren janwarpe samaṅkoa.
7
Aperen Probhu Isor okaṭakʼ ṭhạ̃iye bachao joṅ onḍege ona reakʼ jelpe isina arpe joma. Ar dosar hilokʼ do apeakʼ oṛakʼtepe ruạṛ calakʼa.
8
Turui din hạbicʼ bin khạmiyanakʼ piṭhạpe joma ar eae din hilokʼ do aperen Probhu Isor ńutumte mitʼṭecʼ sonot jarwakʼpe hoeocoya ar enhilokʼ do jãhãnakʼ cetʼge alope kạmiya.
9
“Phosolre datrompe calao hilokʼ khon eae haptape lekhaea.
10
Ar ona tayom apeakʼ kusiteakʼ samaṅokʼakʼte aperen Probhu Isor ńutumte eae hapta reakʼ porobpe porobokʼa. Ar aperen Probhu Isore bhor akawatʼpe leka niạ samaṅokʼakʼ jinispe emokʼa.
11
Aperen Probhu Isor apnare sodorokʼ iạte okaṭakʼ tahen ṭhạ̃iye bachao joṅ onḍe uni samaṅre aperen hopon ar hoponerako, aperen guti-kạ̃ṛmĩko ar ape talareko girobasokʼkan Liwiko, porjạtrenko, ṭuạ̃r amarko ar rạnḍi maejiuko- sanamkoge mitʼtepe rạskạ midokʼa.
12
Misor disạmre ape hõ golampe tahẽkan ona katha disạite joton salakʼ noako hukumpe manaoa.
13
“Apeakʼ khạrại ar darkha lelenkunḍ reakʼ ṭhạ̃i khon jotowakʼpe samṭao tayom eae din do ḍera porobpe porobokʼa.
14
Ape, aperen hopon ar hoponerako, aperen guti-kạ̃ṛmĩko ar ape talareko girobasokʼkan Liwiko, porjạtrenko, ṭũạr amarko, rạnḍi maejiuko ar ape sanamkoge niạ porobrepe rạskạkʼa.
15
Aperen Probhu Isor okaṭakʼ ṭhạ̃iye bachao joṅ onḍe ape do uni ńutumte eae din hạbicʼ niạ porobpe porobokʼa, ente apeakʼ rakapʼakʼ sanam phosol ar sanamakʼ kạmire aperen Probhu Isor do apeye bhorapea ar purạtepe rạskạjoṅa.
16
“Aperen Probhu Isore bachao akawan ṭhạ̃ire bochorre pe dhao, metakʼme bin khạmiyanakʼ piṭhạ porobpe porobokʼ jokhecʼ, eae hapta reakʼ porobre ar chamḍa porobre aperen sanam herel hoṛko do Probhu Isor samaṅre hạjirokʼ hoyokʼtakoa. Unre Probhu Isor samaṅre eken ti okoe hõ alo jemonko hijukʼma.
17
Aperen Probhu Isore bhor akawatʼpe leka ape mimitʼko thoṛare hõ jemonpe ạgu darae.
18
“Aperen Probhu Isor okaṭakʼ ato ar nagrahae emape lạgidokʼkan ona reakʼ mimitʼ goṭecʼ lạgitʼ bikʼcạrko ar sordarkope dohokoa. Onko do hok reakʼ lekate hoṛkoakʼko bicạr chinḍạukatakoa.
19
Behok lekate alope bicạra se okoeyakʼ mẽtʼãhã hõ alope beṅgetʼakʼa. Ghus hõ alope hataoa, ente ghus do ạkilankoakʼ mẽtʼe kãṛã ocoytakoa ar bin dusạn hoṛakʼ katha hõe ulṭạu ocoya.
20
Okaṭakʼ disạm do aperen Probhu Isore emape lạgidokʼkan, onḍe jemonpe dokhol daṛeakʼ onate hok reakʼ manaope.
21
“Aperen Probhu Isor ńutumte pinḍpe benaore ona pantere sekʼwae lạgitʼ Asera khunṭi reakʼ jãhãn kaṭko alope bitʼjoṅa,
22
se jãhãṭakʼ dhiri khunṭi hõ alope bitʼjoṅa, ente aperen Probhu Isor ṭhen noako do hirkhạwakʼ kana.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34