Revelation 20:4 — Compare Translations

Sadri

फिन मोंय थोरेक सिंहासन देखलों। उ मनक उपरे थोरेक आदमीमन बाइठ रहैं। आउर उमन के फैसला करेक केर अधिकार देवल गेलक। मोंय उमन केर आत्मामन के हों देखलों, जेमन केर मूँड़ यीशु केर गवाही देवेक आउर परमेश्‍वर केर बचन केर परचार केर खातिर काटल जाय रहे, आउर जेमन ना तो उ खूंखार जानवर केर, आउर ना उकर मूर्ति केर पूजा काइर रहैं, आउर ना उकर छाप अपन माथा आउर हाँथ उपरे लेई रहैं। उमन जिंदा होई के मसीह केर संगे हजार बरिस तक राइज करते रहलैं।