Sena Malawi
Anyansembe onsene akhadafika penepowo nee kuwerengera kuti akhali wa m'gulu yanji tayu, onsene adapichenesa okha ene. Natenepo anyakuimba nyimbo onsene a Chilevi; Asafu, Hemani, Yedutuni na onsene a m'mabanja mwawo, adavala nguwo zakuchena zakufewa. Alevi adaimira kumabulukiro dzuwa chifupi na guwa yansembe uku akhali na nkhotcho na anyakatangale, pontho pabodzi pene na iwo pakhali anyansembe dzana na makumawiri ale akhaliza ngoma. Anyakuimba nyimbo ale akhatawirizana mwadidi mwene pakuphatisa basa ngoma, nkhotcho na pyakuimbira pinango pikhapembedza iwo MBUYA pakuimba kuti: “Kuzani MBUYA thangwi iye ngwadidi, pontho kutifuna kwache nkhokhonda mala.” Pikhabuluka anyansembe ale pa Nyumba ya Mulungu mwakututumusa makole akuyetimira na demelero ya MBUYA adadzala m'Nyumbamo, tenepo iwo hadathimize pontho tayu kuchita chipembedzo chikhachita iwocho.