Romans 6:19 — Compare Translations

Tashelhayt Morocco 1998 (Tashelhayt Arabic Script Morocco) (اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم)

هاتي ار‑ديدون‑ساوالغ غيلاد س‑يواليون رخانين اشكو تضعفم، ءيشقا فلّاون ا‑تفهمّ. تكّام‑تّين تفكام ءيخفاون‑نّون ءيسمگان ءي‑لعيب د‑لخُشانت باش ا‑تّزايادم ار‑تسكارم كولّو ما‑يُخشنّ. ءيمّا غيلاد ءيقّان‑كُن‑د ا‑تفكم ءيخفاون‑نّون ا‑تسكارم افولكي لّي‑س‑يرضا ربّي تّياوژلايم ا‑تگم وينس.