Shilluk DC Bible © Bible Society in South Sudan, 2011
Tyeli tyëng-ɑ ɑ́bëëd kì Edöm kɑ̈ɑ̈l-ɑ ri wɑ̈ddi Seir. Lötɑn ɑ bɑ kweyi Örì kí Ömɑm. (Lötɑn yïe ɑ́dɑ nyimen me cwøl ɑ́ Timnɑ̀.) Cöbɑl, ɑ bɑ kweyi tyëng Albɑn, Mɑnɑɑth, Ebɑl, Cepì kí Onɑm. Dhibeon, yïe ɑ́dɑ wɑ̈dd ɑ́ryew: Aiyɑ̀, kí Anɑ̀. Anɑ̀ ɑ bɑ wïyi Dïcön, o Dïcön bɑ kweyi tyëng Amrɑn, Ecbɑn, Ithrɑn, kí Kerɑn. Edher, ɑ bɑ kweyi tyëng Bilɑn, kí Dhɑɑpɑn kí Yɑɑkɑn. Dïcɑn ɑ bɑ kweyi tyëng Udh kí Arɑn.