Shilluk DC Bible © Bible Society in South Sudan, 2011
Kɑ per Sølømøn lïngi yi rɑ̈ɑ̈dh Cebɑ̀ rɑ̈nh-ɑ dhɑjø, ɑkedhe Yerusɑlem be rɑngii ki pyëj mø teg. Rɑ̈nhɑni ɑ́bï Yerusɑlem e lwøngg-ɑ yi ji mø ngenyø. Ge ɑ́kɑ̈ni ki ɑmɑl mø kömi gen di yenh-ɑ yømi gen med, kí tigg mø per gen teg, kí dhɑb me gïïr cɑrø. Keny-ɑ ɑ́wɑ̈dhi rɑ̈nh-ɑ dhɑjø menɑni buti Rɑ̈dh Sølømøn, kɑ gø pyënye ki pyëj møg-ɑ ɑ́rømmi yi en.