Shilluk DC Bible © Bible Society in South Sudan, 2011
Ókwërr-ɑ ɑ́ying yethi kɑ̈ddi Yeudiyɑ̀ bënn ɑ́kɑ̈ɑ̈le Yerusɑlem, ɑdhure kɑ̈jji mɑ̈ddø møg-ɑ nyi rɑ̈ɑ̈b ki gëdhhì geki bɑkur piny bënn, kì yij pödhø bëne. Kɑ këlli lɑm møg-ɑ ɑ́gërri wɑ̈li dyel kì dhø döri kɑɑl, dhøng-ɑ ɑ́ger yi Jöcwø, ɑ ɑ́bëëd ɑ́ jɑngi kɑɑlɑni, dhur piny yi Yöciyɑ̀. Këllɑni ɑ́ying-ɑ wïj kyëj kì dhøngɑni, e dhɑnhø kedh-ɑ kɑɑl.